Achegamento práctico á arte contemporánea
Ir á páxina de inscrición
- Explorar a variedade de formas, contextos e discursos da arte contemporáneo a través das prácticas de artistas da Coruña de recoñecida traxectoria, cos que dialogar e coñecer de primeira man as súas motivacións, intereses, procesos e outros detalles.
- Enriquecer a capacidade de análise, empatía e respecto a outras realidades mediante dinámicas de grupo que permitan comprender o poder da arte para ofrecer diferentes perspectivas sobre temas universais.
- Ampliar temáticas e imaxinar novos sentidos que dialoguen con outras áreas académicas e profesionais, como a filosofía, a ciencia, a arquitectura e a investigación.
- Romper a barreira invisible que separa a arte contemporánea do público xeral para tomar conciencia de que é un elemento accesible, dotado de significado e que pode ser gozado e comprendido por todas as persoas.
MÓDULO I – 1 sesión teórica
Por que a arte contemporánea non é algo que poda facer o teu fillo
Contido teórico apoiado pola proxección de imaxes e dinamizado con técnicas de pregunta-resposta e dinámicas grupais.
1. Introdución: nocións básicas sobre a arte contemporánea
1. Que entendemos por arte contemporánea
2. A mediación como estratexia de achegamento
2. A arte contemporánea: algúns casos de estudio
- Fountain (1917), de Marcel Duchamp
- Iberia (1958), de Robert Motherwell
- Man from Naples (1982), de Jean-Michel Basquiat
- Comedian (2019), de Maurizio Cattelan
- O caso das mulleres artistas
MÓDULO II - 5 sesións prácticas
Achegamento á práctica contemporánea na Coruña: cinco artistas
Celebración de charlas e visitas a estudos de artistas da cidade. Manuel Lariño, Héctor Francesch, Lara Pintos, Juan Lesta e Iria do Castelo falarannos sobre a súa traxectoria, motivacións e detalles do seu traballo.
MÓDULO III - 2 sesións prácticas
Achegamento á arte contemporánea mediada: dúas exposicións
Visitas comentadas a dúas exposicións de arte da cidade, nas que se tratarán cuestións como a selección de obras, a súa orde e os materiais que se preparan para contribuír á súa comprensión.